|
|
香港人靈舍鍾意聽靈異嘢，而人稱「鬼王」嘅潘紹聰，就當年嘅電台節目接聽聽眾奇異經歷，到而家拍片介紹「嗰啲嘢」，都一直有捧場客。
潘紹聰嘅YOUTUBE節目最近去到出名好猛嘅大埔新娘潭，並且由嘉賓山信師傅講述多年前喺嗰度發生嘅怪異經歷，點知事隔多年，潘紹聰同師傅再去事發地點，都仲有邪事發生！
山信師傅憶述多年前仲未係師傅時，試過同朋友夜晚去新娘潭BBQ講鬼故兼探險，之後師傳同朋友阿康再揸車出返去大埔食糖水。喺糖水鋪，師傅同一班朋友用手機拍片，點知片段背後有把女聲講「康，車我去新屋呀」。更邪嘅係，原來當晚阿康車上嘅女性友人，同人講電話嘅時候，對方話聽到阿康車上好似有把女人奸笑聲。山信師傅估計，當晚有「朋友仔」坐咗佢地架車出咗去大埔……！
潘紹聰搵咗導演煒堅用剪片程式分析當年條片嘅聲軌，煒堅話嗰把聲明顯來自另一空間，背景冇雜聲，唔似係惡搞。
之後潘紹聰同山信師傅同遊舊地查證，去搵神秘女聲提及嘅「新屋村」。殊不知喺佢地問路搵新屋村嘅片段中，有觀眾留言聲稱聽到同一把女聲講「新屋村」，唔少網民都話聽到，唔通真係咁猛！
|
評分
-
查看全部評分
|
在線雷達
發表於 2024-1-18 17:07:22
廣播
置頂
超級提昇
強效提昇
推舊帖
收嗲鳥
油顏色