馮盈盈與圈外對象性格不合未來兩年專注工作讀書唔拍拖

GIRLAV · 發表於 2024-1-10 18:40:54

TVB愛情小品劇《妳不是她》正在熱播中，劇集搵嚟丁子朗及相隔兩年再拍劇嘅馮盈盈擔正做男女主角，劇中二人有多場甜蜜感情戲，成功營造浪漫氛圍。近日有報道指29歲嘅馮盈盈曾經秘密同富二代及方力申拍拖，因而被TVB雪藏。

馮盈盈喺接受傳媒查詢時表示自己係一位到達適婚年齡嘅女性，有正常社交去認識新朋友，係非常合理。而方力申係公認嘅好男仔，佢已經亦有一個好好嘅女朋友，為咗唔好影響佢哋嘅感情，希望大家唔好再講佢同方力申。另一方面，佢喺電台節目《公子會》講過自己有嘗試同圈外對象相處及了解，可惜後來發現性格不合及對方無法諒解佢工作嘅難處，所以最後都係無疾而終。馮盈盈仲話喺開始一段新關係之前，佢要認真花時間去相處同了解，所以喺未搵到可以付託終身嘅對象之前，佢都會低調處理。

另外。馮盈盈仲話現時會保持單身，因為佢要專心工作同埋讀書，就算未來兩年有合適嘅對象，佢都唔會展開新戀情，最多都係朋友關係。