24歲冼迪琦泳池邊騷Fit爆身材睇到網民流鼻血：太狠了

GIRLAV · 發表於 2024-1-5 10:55:52

TVB童星出身嘅24歲冼迪琦（小迪）樣子甜美又可愛，喺2018年參加日本最強女團AKB嘅越洋挑戰成功入選AKB嘅台灣分隊TPE48，但較早前佢已經從TPE48畢業。小迪喺畢業後，除咗推出個人寫真集回饋粉絲，佢更加入台灣中信兄弟啦啦隊成為練習生及喺綜藝節目亮相。早前佢喺網絡節目《懿想天開》中到高雄飲飲食食，期間喺泳池邊傾偈時露出驕人身材，睇到一班網民流晒鼻血。

冼迪琦喺《懿想天開》與主持人阿樂、李懿前往高雄飲飲食食，期間三人中去做泳池邊傾偈，小迪著上性感泳衣，露出驕人身材。三人亦有講下新一年嘅願望及大計，而小迪就話自己想由啦啦隊嘅練習生升做正式生，同時希望綜藝節目可以長做長有。

除此之外，冼迪琦仲有喺社交網站上載當日所影嘅泳衣照，並留言話：「20231230 […] 💭 收看了最新一集的#懿想天開了嗎？我們的閨密奢華跨年之旅跟著懿想到處玩又能拍美照好幸福唷！！」呢個PO一出，就引起網民暴動式留言，例如「太狠了太狠了」、「誠意十足的小迪」、「超漂亮」、「太火辣了吧」、「一早眼睛就吃這麼辣好像太刺激了」、「犯規太靚」及「女神超甜美的」等等。