波波包上頸唔驚走光余思霆增磅Big爆古裝

GIRLAV · 發表於 2023-3-10 11:35:41

港姐冠軍林鈺洧3月8日聯同藝人余思霆、波波等到維園出席「香港花卉展覽2023」，其中波波化身錦鯉仙子，而林鈺洧以花仙子造型亮相，各自搶fo，余思霆則直認發福而逼爆了古裝戲服！

應屆港姐林鈺洧、許子萱、梁超怡、邢慧敏，昨日與余思霆、黃婧靈（波波）等齊齊換上特色打扮現身維園。首次穿古裝的思霆剛由台灣拍飲食節目回港，自爆一日食勻5間餐廳而增磅，逼爆古裝，她承認：「係肥咗，同埋件衫其實係細咗啲，所以着上身爆開咗，要服裝同事幫手縫番埋。」問到是否增磅後上圍升Cup而爆衫？她笑言：「有波波喺度，我唔敢咁講。」

現場有600位參賽者不停拍照，問波波可擔心被聚焦某部位？她笑言：「我第一次做花卉展Model，件衫包到上頸，同埋黐晒膠紙，所以好安全。」思霆則擔心被「低炒」影出雙下巴。

林鈺洧買花氹自己

至於化身花仙子的林鈺洧表示很喜歡花：「除咗百合！以前有男友嘅時候都會有花收，依家冇男友，惟有自己買！」又稱首次擔任嘉賓主持的節目《健康必殺食》剛播出，拍攝期間曾到元朗養雞場，她說：「估唔到有咁多雞，有啲驚，所以都保持唔到儀態，同埋食咗好多雞蛋。」