姚焯菲「新」Look 突變9頭身名模

GIRLAV

「聲夢小花」姚焯菲已飛往新西蘭留學，更絕密公開新閨房，大個女一手一腳布置裝飾，又上載多張街頭自拍照，運用鏡頭將自己變成9頭身美少女！

姚焯菲（Chantel）雖然初到貴境，但很快已適應新西蘭的生活，連日來於社交網分享校園趣事，前晚還首度拍Vlog，透露去新西蘭前擬定了10個目標，希望可以逐一達成！她早前表示已識到新朋友，一早預備好仙人掌做見面禮，還親手寫心意卡，如此貼心，難怪火速融入新圈子。

同學nice玩得埋

之後她又公開新閨房，由零開始一手一腳布置裝飾，當中不忘擺放與一班《聲夢》好友的大合照，非常有心思。她又上載多張新相，其中一張相以低炒角度拍攝，令她突然「增高」，秒變9頭身，加上Chok爆擺甫士，十足名模一樣，相當有氣勢。

Chantel日前開直播與粉絲傾偈，片中的她素顏上陣，提到新校園生活，她說：「我想講所有朋友、同學都好nice，佢哋好搞笑，同埋玩得埋，所以就好開心，我哋都一齊玩Game。」她又向粉絲解釋留學計劃，稱只會留學2年：「我依家係Year 12，之後再Year 13，跟住就畢業。」有網友問新同學知否她是香港歌手，她說：「有啲係知嘅，但係佢哋都好尊重我，所以都係大家當朋友，冇特別對我特別好。」

LasCases

包包面。

EastWest_GBL

冇乜特別 !