英超/ 轉會: 熱刺截劫拖肥借用丹祖馬

n101m1 · 發表於 2023-1-27 00:36:24

本帖最後由 n101m1 於 2023-1-27 00:56 編輯

熱刺成功「打劫」愛華頓的目標，由維拉利爾簽入翼鋒丹祖馬。熱刺獲得在冬季轉會市場第一位新兵，25歲的丹祖馬（Arnaut Danjuma）以外借身份從維拉利爾來投，為期半季。熱刺擁有買斷條款，但並非強制性。這位荷蘭國腳在Twitter表示：「大膽就是要做。我們開始工作吧。」

雖然熱刺成功截糊, 但其實各平台上睇好同睇衰的球迷都係各佔一半. 有球迷表示雖然熱刺於本轉會窗終於開齋, 但卻憂慮本次轉會略顯倉猝, 或者反映左熱刺其實同之前幾次轉會窗一樣, 都仲係欠缺詳細的計劃. 另外亦有球迷表示熱刺本身已經有 Richarlison 同埋孫興慜兩位頂級左翼, 球會應該更積極簽入後衛, 而非補充一個已經滿員的位置.

雖然有球迷擔心丹祖馬對熱刺作用不大, 但有幾個原因令本人覺得今次轉會其實係一招妙招.

1. 先租可以唔買

熱刺今次同黃色潛艇達成的協議並唔係強制性買斷條款, 如果季後球員表現不如預期, 熱刺可以唔買.

2. 目標, 預算同埋取舍

除左丹祖馬之外, Nicolò Zaniolo 亦係熱刺另一個睇中的左翼/翼鋒. 但同時傳出對呢位新星有興趣仲有 AC Milan. 考慮到羅馬暫時企硬 €35m, 再加上已傳出 Zaniolo 同 AC Milan 已經達成協議. 如果熱刺要堅持追逐 Zaniolo , 轉會費或者會上到 €50m.

另一方面, 其實球迷普遍更希望球會可以重金簽入右閘和中堅, 而當中身價為 €45m (£39.7m) 的右閘 Pedro Porro 呼聲最高, 但同時簽 Porro 同 Zaniolo 大機會會令熱刺有心無力. 而丹祖馬的加盟無疑可以令熱刺加強隊中左翼強度之外, 亦令熱刺可以有更多空間簽到一線後衛.

Zaniolo 除左熱刺之外亦吸引到 AC Milan

熱刺應該就快簽到 Pedro Porro

3. 戰力與板凳深度

丹祖馬上季的表現可以講係光芒四射. 除左為維拉利爾於西甲上陣 23 場入左 10 球之外, 於歐聯亦上陣11 場入左 6 球, 表現令人眼前為之一亮. 另外, 丹祖馬兩隻腳無論係盤球, 突破, 甚至係射門都有一定的能力. 自 20/21 賽季以黎, 左右腳各射入左 10+ 球, 而同期縱觀各大聯賽, 其實只有效力皇馬的於 Vinicius Junior 有同等表現. 而考慮到孫興慜其實今季狀態其實唔太穩定, 而 Richarlison 仲傷左 hamstring, 丹祖馬的加盟無疑加深左熱刺板凳深度之外, 亦令領隊有更多選擇, 可以話係及時雨.