普捷天奴將出山　成馬體會下任教練大熱

小哥阿四 · 發表於 2022-11-14 10:19:42

阿根廷名帥普捷天奴今夏被巴黎聖日耳門炒魷之後，仍然未有着落，西班牙傳媒爆料指西甲勁旅馬德里體育會管理層已經對現任教練施蒙尼失去耐性，計劃換帥，普捷天奴成為熱門接手人選。

馬體會今季成績大倒退，近3場聯賽不勝，已經落後榜首巴塞隆拿13分，爭標機會渺茫，最令管理層同球迷不滿係歐聯分組賽包尾出局，唔少激進球迷鬧爆佢愧對高薪人工，要求換帥聲音此起彼落。

馬體會方面之所以睇中普捷天奴，除咗佢可以即時上任之外，亦由於佢曾經執教熱刺、巴黎聖日耳門兩大球會，更率領過熱刺打入歐聯決賽。

同埋普帥球員時代及教波生涯都效力過愛斯賓奴，熟悉西甲情況，應該可以迅速上手急救球隊。

雖然有傳普捷天奴想重返英超，一度成為阿士東維拉新帥人選，但維拉日前已經聘請艾美利執教，普捷天奴應該會考慮馬體會邀請。