愛上「敵人」 皇馬要買斷華歷簡奴奇兵

小哥阿四

皇馬上仗西甲不敵華歷簡奴，被打破今季聯賽不敗之身，但「銀河艦隊」都有收穫，教練安察洛堤睇中該場表現出色嘅華歷簡奴左後衞法蘭加西亞，由於皇馬仍然持有呢位23歲新星一半擁有權，計劃買斷佢。

法蘭加西亞屬於皇馬青訓球員，2年前被外借去當時仲係西乙球隊嘅華歷簡奴，佢後來成為升班功臣，上年夏天以200萬歐元正式轉會華歷簡奴，但皇馬保留佢50%擁有權，可以優先回購另一半擁有權。

法蘭加西亞大踢爭氣波，上仗倒戈對皇馬，多次策動攻勢，並貢獻1次助攻，並當選該仗官方最佳球員，令「肥安」對佢刮目相看。

馬些路離隊後，皇馬現時只有費蘭特文迪1位正宗左閘，所以好大機會回購法蘭加西亞，由於佢身價上升，估計「銀河艦隊」需要支付500萬歐元先至可以買斷餘下一半擁有權。

法蘭加西亞表明最大目標係重返皇馬，應該可以願望成真。

Winston91

回復 小哥阿四 ##1 的帖子

皇馬左閘要揾接班人

BB29

可以重返皇馬

LasCases

相中新球員。