超越費格遜！安察洛堤歐聯103勝史上第一

小哥阿四 · 發表於 2022-11-4 12:29:16

周四(3日)凌晨歐聯F組，上屆冠軍皇家馬德里主場以5比1大勝些路迪，取得小組首名，教練安察洛堤教波生涯累積103場歐聯勝仗，超越曼聯傳奇領隊費格遜，成為歐聯史上獲得最多勝仗嘅主帥。

賽前皇馬已穩奪出線權，今場為爭首名而戰，反觀些路迪已篤定包尾出局，「銀河艦隊」戰意及實力都遠勝一籌，上半場由莫迪歷、洛迪高高斯射入12碼領先2球。

換邊之後，皇馬再由馬高阿辛斯奧、雲尼斯奧斯祖利亞、費達歷高華維迪各入1球，些路迪僅靠祖達入波破蛋。

安察洛堤創造歷史，以103場勝仗成為歐聯史上贏波最多嘅主帥，費格遜以102場排第2位，哥迪奧拿以96場排第3位。

至於第4位係贏86場嘅雲格，第5位係贏81場嘅摩連奴，現役主帥之中，相信只有哥迪奧拿可以威脅肥安嘅一哥寶座。