一個原因　突尼西亞面臨被禠奪世界盃席位

小哥阿四 · 發表於 2022-10-30 10:10:28

今屆世界盃決賽周將於香港時間11月21日凌晨揭幕，但仍然有可能出現球隊變動，國際足協(FIFA)警告非洲國家突尼西亞政府，如果再干預該國足總事務，就會禠奪突尼西亞參加世界盃嘅資格。

事件起因係突尼西亞青年及體育部長Kamel Deguiche早前多次發表言論，要求解散突尼西亞足總，引起國際足協高度關注，根據FIFA規定旗下成員國足總必須確保不受政府及政治干預，Kamel Deguiche嘅言論已經踩界。

國際足協向突尼西亞足總發信，如果該組織受到政府干預，將面臨處罰，包括暫時會員資格，唔可以參加FIFA旗下舉行嘅賽事，包括世界盃，要求突尼西亞足總作出解釋，否則可能被踢出世界盃。

突尼西亞今屆世界盃同法國、澳洲、丹麥同屬D組，一旦突尼西亞失去世界盃席位，最大機會由馬里補上，因為馬里喺非洲區外圍賽最後一圈被突尼西亞淘汰。