「自轉720」安東尼大反擊：呢種係足球藝術

小哥阿四 · 發表於 2022-10-30 10:08:56

曼聯上仗歐霸盃對舒列夫，翼鋒安東尼馬菲奧斯踢到38分鐘，喺右路攞到波，玩嘢原地自轉兩個圈，再傳出去，引起唔少批評，包括曼聯名宿史高斯鬧佢係小丑。不過，呢位22歲巴西國腳拒絕認錯，更加話呢種係足球藝術，會繼續咁做。

安東尼馬菲奧斯透過社交網回應：「我哋巴西以足球藝術聞名於世，我唔會停止咁做，因為呢種風格成就咗今日嘅我。」

不過，曼聯領隊坦哈格並唔多欣賞呢種「藝術」，上仗完上半場之後，就換走安東尼馬菲奧斯，如果佢之後繼續玩花巧動作，恐怕對前途不利。