坦哈格證實　華拉尼世盃前唔會上陣

小哥阿四 · 發表於 2022-10-28 10:46:25

曼聯近期成績反彈，華拉尼同利辛度馬天尼斯組成嘅防線係主要原因，可惜華拉尼早前對車路士受傷，領隊坦哈格喺歐霸盃前證實，華拉尼喺世界盃決賽周前都唔能夠上陣，將會缺席6場賽事。

坦哈格喺歐霸盃對舒列夫前表示：「華拉尼唔喺陣中，世界盃前都肯定唔踢得，所以呢段時間曼聯比賽都唔使預佢。」被問到華拉尼會唔會踢到世界盃，坦哈格就話：「我哋要等個診斷結果，亦要視乎佢嘅康復進展同復康治療。」

曼聯喺世界盃前仲有6場比賽，包括周五(28日)凌晨歐霸盃對舒列夫，以及最後一輪作客皇家蘇斯達，英超就要韋斯咸、阿士東維拉同富咸，仲有一場英聯盃再鬥阿士東維拉。