英格蘭55人世盃初選名單　意外人選曝光

小哥阿四 · 發表於 2022-10-21 10:18:45

世界盃決賽周逼近，各隊會喺周五(21日)提交35人至55人嘅初選名單，雖然呢個名單唔會公開，不過英國傳媒爆料，指英格蘭領隊修夫基嘅55人大軍中有唔少意外人選，當中包括從未為國家隊上陣嘅水晶宮中場伊比爾治伊斯。

英格蘭目前有唔少傷兵，今次初選名單就有多位「邊緣球星」入圍，英國《太陽報》指，羅夫度斯卓克、赫臣奧杜爾、雲比沙卡、基斯史摩寧、哈維艾利洛、賴恩施斯隆等冷門人選都有機會入圍，而《每日郵報》更率先爆料，未曾為英格蘭上陣過嘅伊比爾治伊斯已肯定上榜。

24歲嘅伊比爾治伊斯一向受到修夫基賞識，上年歐國盃決賽周，佢亦入圍英格蘭33人初選名單，只不過最後因為韌帶重傷而未能參賽，今季佢喺水晶宮表現回復水準，有機會爭大軍一席位。據報英格蘭會喺11月10日公布最後26人名單。