「國家打吡」大哨畀波膽　賽果將會係咁？

小哥阿四 · 發表於 2022-10-16 10:05:34

西甲「國家打吡」皇家馬德里主場對巴塞隆拿，將於周日(16日)晚舉行，球員時代曾經效力呢兩支勁旅嘅巴西傳奇射手朗拿度，亦非常關注今場大戰，佢認為皇馬將會小勝1比0，前鋒賓施馬將以勝利者姿態迎接金球獎頒獎禮，一次過慶祝獲得兩項重大成就。

「大哨」朗拿度話：「我夠膽講，今場比賽最重要球員係賓施馬，佢比賽之後，好快就會出席金球獎頒獎禮，可以用金球獎慶祝埋國家打吡勝利，我認為皇馬主場比賽有優勢，將會贏1比0。」今年金球獎頒獎禮將於香港時間下周二(18日)凌晨舉行，賓施馬屬於頂頭大熱。

至於前巴塞隆拿射手韋拿認為巴塞近期狀態麻麻，今場唔易踢。