葡萄牙人氣王認證　列斯占士係最強右閘

小哥阿四 · 發表於 2022-10-11 10:22:17

AC米蘭前鋒拉菲爾利亞奧係歐洲炙手可熱前鋒，傳聞車路士對佢虎視眈眈，打算將佢招攬加盟，不過AC米蘭上星期喺歐聯慘吞車路士3蛋，呢位葡萄牙球星就冇啖好食，更罕見讚盯佢嘅列斯占士係「最強右閘」！

拉菲爾利亞奧喺歐聯再鬥車路士前表示：「我平時好少講對手球員，但列斯占士真係我遇過最強嘅右閘，佢完全緊貼我之餘，仲可以滿場飛，佢走位嘅時間掌握得好好，最後仲要入埋波，後衞嚟講真係好罕見，今場我哋要更加專注，邊度跌低邊度起番身！」

23歲嘅拉菲爾利亞奧受到唔少歐洲豪門垂青，據報AC米蘭亦準備出手，打算開出700萬歐元年薪合約將佢挽留，如果呢位葡萄牙前鋒拒絕續約並要求轉會，AC米蘭叫價亦唔會低於8,700萬鎊。