法明奴係「爆廠Goal手」　一項數據超勁

小哥阿四 · 發表於 2022-10-9 10:31:47

阿仙奴同利物浦將於周日(9日)晚英超交鋒，兵工廠今季大勇，8戰取得7勝1負，有21分排榜首，反觀利物浦僅得10分。不過，紅軍陣中有一位「爆廠Goal手」，就係羅拔圖法明奴，呢位巴西國腳隨時可以帶領利物浦踢場逆轉勝。

翻查數據，一向入波數字唔多嘅羅拔圖法明奴，一遇上阿仙奴，往往就會大發神威，佢過去13次英超對兵工廠，射入9球及3次助攻。

事實上，法明奴今季狀態相當唔錯，喺英超已經有5球進帳，同阿仙奴射手加比爾捷西斯睇齊，2位巴西同胞屆時可以大鬥射術。

預料利物浦領隊高普今仗會以「爆廠Goal手」羅拔圖法明奴出任正選前鋒，至於貴價新兵達雲紐尼斯應該會屈居後備。