|
|
「狐狸」李斯特城今季成績下滑，而且主力不斷流失，景況堪虞，嚟緊冬季轉會市場佢哋可能再損失一員大將，就係比利時中場泰利文斯，呢位25歲國腳同球隊僅餘半年合約，極可能被放售，消息指曼聯同阿仙奴準備出手斟介，離隊機會頗高。
李斯特城今季先後有卡斯柏舒米高同韋斯利科芬拿離隊，泰利文斯亦進入合約最後一年，但至今仍未有續約消息，如果到明年夏天完約，將會以自由身離隊，明年1月亦可以同其他球會自由斟介，離隊幾成定局。
英國傳媒廣泛報道，現時對泰利文斯感興趣嘅球會，就係曼聯同阿仙奴。坦哈格一直希望強化中場兵力，連環購入基斯甸艾歷臣同卡斯米路後，仲未足夠，希望簽入泰利文斯，同上述兩人組成中場鐵三角，咁就完美。
另邊廂，阿仙奴一早睇中泰利文斯，阿迪達原本諗住等該球員同李城約滿，明夏免費簽入，並承諾給予正選位置，但依家有曼聯插手爭奪，阿仙奴只能加快斟介步伐，同曼聯搶過。
|
|
在線雷達
發表於 2022-9-18 14:45:32
廣播
置頂
超級提昇
強效提昇
推舊帖
收嗲鳥
油顏色
發表於 2022-9-20 06:43:18
