「小雲」遭種族歧視 成打吡戰計時炸彈

小哥阿四

皇馬翼鋒雲尼斯奧斯祖利亞入波後，喜歡跳舞慶祝，但西班牙經理人協會主席柏度巴禾日前批評佢唔尊重對手，叫佢唔好變成隻猴子。呢番言論涉嫌種族歧視，掀起爭議，皇馬發表聲明譴責有關種族歧視言論，以球王比利為首嘅巴西球壇人士亦力撐雲尼斯奧斯祖利亞。

皇馬聲明中除咗譴責種族歧視之外，亦讚雲尼斯奧斯祖利亞熱愛足球，將足球視為一種快樂、尊重及體育精神嘅生活態度，並非唔尊重對手。

巴西球王比利話：「足球充滿快樂，甚至就係一種舞蹈，我哋會繼續以呢種方式同種族主義抗爭。」「大哨」朗拿度亦力撐雲尼斯奧斯祖利亞，指跳舞並非唔尊重人，但種族歧視就一定係唔尊重人，而且會傷害人。尼馬亦喺社交網發文支持「小雲」繼續跳舞慶祝入波。

皇家馬德里將於周一(19日)凌晨西甲作客馬德里體育會，合演馬德里打吡戰，馬體會隊長高基警告雲尼斯奧斯祖利亞如果入波後跳舞，一定有麻煩，令今大戰增添火藥味。

Winston91

回復 小哥阿四 ##1 的帖子

馬體會已經大不如前了，雲尼斯奧斯真係要小心啦，因為佢又會入波了。

LasCases

咁唔係好啱。