阿積士搵「50歲」門將把關？佢真實年齡唔大

小哥阿四 · 發表於 2022-9-15 10:20:01

阿積士上仗歐聯1比2不敵利物浦，但門將柏斯維亞表現搶眼，唔止因為佢有8次成功撲救，仲由於佢外表「成熟」，白髮蒼蒼兼有些少中年發福，被網民指似一位50歲大叔，其實柏斯維亞只係38歲。

利物浦今場有24次射門，其中10次中目標，反觀阿積士只有3次射門，1次中目標，係呢支荷蘭球隊自2003/04年球季以來，單場歐聯最少次射門。

阿積士門將柏斯維亞今仗左飛右撲，表現神勇，否則阿積士唔止失2球。柏斯維亞上年夏天以自由身加盟阿積士，原本只作為副選，但隊內另外2位門將史基倫堡、積哥達表現欠佳，令柏斯維亞成為成為正選門將，就算外表似50歲大叔，但身手仍然非常敏捷。