巴塞發爛渣告馬體會　要對方買斷基沙文

小哥阿四 · 發表於 2022-9-10 12:22:31

巴塞隆拿控告馬德里體育會，指控對方必須立即支付4000萬歐元買斷費收購基沙文，至於近期馬體會喺下半場60分鐘後先換入基沙文，以逃避季尾觸發買斷條款並無意義。

近年陷入財困嘅巴塞不斷放售貴價球星減磅，其中基沙文係重量級人物之一，該法國國腳當年由馬體會轉投巴塞，身價超過一億歐元，上季巴塞將佢外借返馬體會，當中包含4000萬歐元買斷條款。

巴塞指出，基沙文上季外借到馬體會，上陣時間已超過50%，達到80%，已經觸發買斷條款，按合約條款基沙文已經屬於馬體會，而合約中外借期一年後可延長一年，但如果喺第一年其上陣時間超過50%，第二年就要執行買斷條款。

至於馬體會近期安排基沙文喺下半場60分鐘後後備上陣，以避免觸發買斷條款，巴塞認為並無意義，因為馬體會喺上季已經觸發買斷條款，必須立即畀4000萬歐元買斷費。