英雄形象崩壞！尼維特大戰3艷舞女郎

小哥阿四 · 發表於 2022-9-3 10:09:25

前祖雲達斯捷克中場尼維特，鐵漢形象深入民心，係上一代球壇icon，唔少球迷兒時偶像，不過近期一段艷舞影片在網上流傳，令呢位祖記英雄形象崩壞，祖記會方暫時未有回應。

現年50歲嘅尼維特，一段影片在網上流傳，片中見到呢位前捷克國腳同3位衣著暴露嘅女郎攬埋一舊，熱情跳舞，玩得相當開心，呢段影響喺網上流傳短短幾小時，就超過240萬人次觀看，引起哄動。

影片流傳後，尼維特嘅私生活亦被廣泛討論，報道指佢2019年與結婚長達25年嘅妻子離婚，回復單身，之後曾傳過同明星拍拖，而呢段影片亦睇到佢現時過住燈紅酒綠嘅生活。

尼維特當年跟隨球隊降班意乙，再回升意甲，喺球會地位超然，現時任職祖雲達斯體育主管要職，不過英雄難過美人關，依家爆出呢單大戰3艷舞女郎事件，相當重口味，肯定對球會形象有損害，祖記會方暫時仲未諗到點解畫。