【官宣】紐卡素破紀錄簽伊沙克 名宿呻唔值得

小哥阿四

英超富豪球會紐卡素周五(26日)宣布，以破轉會費紀錄嘅6,300萬鎊收購瑞典前鋒阿歷山大伊沙克，呢位22歲前鋒簽約6年，將會着起14號波衫。不過紐卡素名宿皮雅斯就公開質疑，話阿歷山大伊沙克只係個「OK」球員，唔肯定佢係咪值得咁高轉會費。

阿歷山大伊沙克由皇家蘇斯達轉披紐卡素後表示：「好開心完成轉會，呢個係非常重大嘅決定，我好相信紐卡素嘅發展計劃，球隊踢出漂亮足球，我都渴望成為當中一份子。」紐卡素領隊艾迪侯域亦盛讚呢位前鋒技術出色，非常適合喺英超發展。

不過，曾效力紐卡素嘅英格蘭名將皮雅斯，自爆上季做韋斯咸助教嗰陣，曾經考察過收購目標阿歷山大伊沙克：「我搵潛在目標球員嗰陣睇過佢(伊沙克)唔少比賽，佢都OK，算係幾好，但以呢個轉會費，我就唔太肯定佢值得呢個價錢。」

Winston91

回復 小哥阿四 ##1 的帖子

紐卡素開季成績唔錯，再簽個前鋒，今年可能係大黑馬

LasCases

再買多個。