曼聯增兵又受挫 馬體會拒賣莫拉達

小哥阿四

早前傳出曼聯計劃收購馬體會前鋒艾華路莫拉達，頂替C朗，呢位29歲西班牙國腳上仗西甲梅開二度，表現出色，教練施蒙尼隨即表示要留住莫拉達，意味紅魔鬼又少咗1個收購選擇。

西班牙傳媒指有英超球會提出以4,000萬歐元收購艾華路莫拉達，但被馬體會拒絕，加上佢今場西甲射入2球，令教練施蒙尼留用莫拉達嘅決心更加堅定。

施蒙尼話：「莫拉達份人好謙虛，冇乜特別要求，只為取得正選，默默努力，佢嘅態度同狀態都非常好，球隊上下都渴望同佢繼續合作。」

艾華路莫拉達過去2季被外借去祖雲達斯，但祖記拒絕以3,000萬歐元買斷佢，莫拉達今季返回馬體會後，一度傳出會再次離隊。

不過，由於蘇亞雷斯已經然走人，馬體會鋒線亦需要補充人腳，加上艾華路莫拉達近況大勇，相信施蒙尼唔會放走佢。

Winston91

回復 小哥阿四 ##1 的帖子

馬體會老板可能有唔同諗法

LasCases

又食檸檬。