英超「網暴」苦主排名　C朗力壓馬古尼排第1

小哥阿四 · 發表於 2022-8-4 10:19:02

作為公眾人物嘅英超球員，經常都會受到球迷攻擊同謾罵，英國通訊管理局同Alan Turing研究所日前公布統計，列出21/22球季上半季「網暴」排名，英超10大之中有8個係曼聯球員，其中C朗拿度更力壓哈利馬古尼，成為被球迷鬧到最「甘」嘅英超球員。

統計顯示單係21/22球季上半季，英超球員收到接近6萬個網上滋擾、攻擊訊息，平均每日有362個、每4分鐘就有一個，呢啲攻擊球員嘅訊息有大部份都涉及種族同屋企人。

正所謂樹大招風，愈出名嘅球員同球隊就受到最多攻擊，10大排名當中有8個係曼聯球員，C朗一個就收到12,520個滋擾、攻擊訊息，拋離哈利馬古尼同拉舒福特，10大之中非曼聯球員，只有熱刺嘅哈利卡尼同曼城嘅基亞利殊「有幸」上榜。