35歲法比加斯未言退　將轉戰意乙

小哥阿四 · 發表於 2022-8-2 11:45:57

西班牙名將法比加斯今夏約滿離開效力咗3年半嘅法甲球隊摩納哥，但呢位35歲中場並未打算退休，根據意大利傳媒爆料，法比加斯將會加盟意乙球隊科木。

法比加斯曾經效力3大球會阿仙奴、巴塞隆拿、車路士，2019年1月轉投摩納哥，但因為狀態大不如前，加上傷患問題，上陣時間愈來愈少，上季各項賽事僅上陣5次，實在難以再喺頂級聯賽立足。

據悉，法比加斯將會同科木簽約2年，科木上季意乙排第13位，預料簽入法比加斯後，就算未能大幅提升實力，但最起碼可以增加球隊名氣，吸引更多球迷入場，有助提升財政收入。