慘被謝拉特「搣柴」 明斯：以球隊為先！

小哥阿四

英超球會阿士東維拉領隊謝拉特，日前宣布褫奪泰朗明斯嘅隊長資格，蘇格蘭中場約翰麥甘尼會取代隊長一職。對於被謝拉特「搣柴」，泰朗明斯表示樂意接受，會以維拉嘅利益為大前提。

維拉官方聲明表示，約翰麥甘尼代替泰朗明斯成為隊長，門將達米安馬天尼斯出任副隊長，而艾舒利楊格就會擔任球會事務隊長職責。謝拉特表示：「約翰麥甘尼喺比賽同練習入面，展示出佢成為隊長嘅能力，而且好受隊友歡迎。我會同泰朗明斯解釋呢個決定，我相信放低隊長責任，可能令佢更專注提升自己嘅表現。」

泰朗明斯喺社交網亦大方表示：「我對領隊嘅決定冇任何異議，認識麥甘尼嘅人都知佢感染力好強，喺佢領導下比賽係我嘅光榮。邊個做隊長並唔重要，最重要係令阿士東維拉嘅利益。」

Winston91

回復 小哥阿四 ##1 的帖子

少啲責任，花多啲時間去提升表現，對維拉和英格蘭國家隊嚟講都係好事

LasCases

乜嘢樹。