魯迪格喺皇馬踢左閘 頂馬些路個位

小哥阿四

皇家馬德里上仗熱身賽對巴塞隆拿，新加盟嘅德國中堅魯迪格被安排擔任左閘，阿拉巴就踢中堅，主帥安察洛堤表示呢個係新安排，並相信魯迪格可勝任新位置。

皇馬喺熱身賽0比1輸畀巴塞，肥安賽後表示，魯迪格喺皇馬將會經常客串左閘位置，佢話：「我好鍾意魯迪格，我冇黐線，因為佢好聰明，佢有能力勝任新位置，必要時亦可以同阿拉巴換位，不過我暫時唔想改變上季嘅中堅拍擋。」

皇馬上季贏得西甲及歐聯雙料冠軍，當時馬些路未離隊，阿拉巴同艾達米列達奧合作鎮守中路，不過馬些路老退之後，左路經常出現漏洞，因此肥安打算用魯迪格踢左閘，頂馬些路個位。

LasCases

啱唔啱踢。

Winston91

回復 小哥阿四 ##1 的帖子

估計魯迪格被肥安改做為通天老官。文迪始終係左閘正選，一對中路仍然用返阿拉巴和米列達奧，右閘就卡華積。原來第三中堅拿祖可以專注做卡華積的替補；本身魯迪格成1米9身高，碰到高大前鋒雙中堅可以揾佢拍米列達奧；如果改造成功，文迪有傷時，佢又可以踢左閘，咁樣皇馬後防人手就好充裕。

mingliedy

佢得嘅