戴巴拿成人氣王　波衫銷售破C朗意甲紀錄

小哥阿四 · 發表於 2022-7-26 11:11:55

由摩連奴執教嘅羅馬，上季勇奪歐協聯冠軍後即大展拳腳，今夏成功簽入自由身嘅阿根廷前鋒保羅戴巴拿，令球迷非常興奮。保羅戴巴拿嘅人氣爆燈，據報佢件21號波衫大賣，甚至打破埋C朗拿度保持嘅意甲紀錄。

據意大利《羅馬體育報》報道，保羅戴巴拿件21號波衫即成球迷搶購目標，雖然每件波衫價格110歐元(約880港元)至130歐元(約1,040港元)，但首日銷量仍然破晒紀錄！報道指意甲歷來波衫開售排名(只計官宣首日)，保羅戴巴拿已超越C朗喺2018年加盟祖雲達斯嘅紀錄。

保羅戴巴拿加盟後，「羅馬王子」托迪曾主動表示願意畀佢着10號波衫，不過呢位阿根廷前鋒就拒絕，認為10號仍然屬於該羅馬傳奇前鋒，但保羅戴巴拿亦唔排除將來會改着10號。