高普轉軚：高價買人係時代趨勢　唔好質疑紐尼斯

小哥阿四 · 發表於 2022-7-17 10:23:25

利物浦今夏以破球會紀錄嘅8,500萬鎊收購賓菲加前鋒達雲紐尼斯，領隊高普被網民翻舊帳，指佢2018年曾經講過唔會用1億鎊買球員，依家卻出爾反爾。呢位德國名帥隨即反駁，指時代已經唔同，要得到優秀球員，就必須出高價收購。

高普話：「當你想要簽入咁出色嘅前鋒，就必須拎出一大筆錢，我一生之中講過好多說話，現在嘅我唔係昨日嘅我，我推翻昨日嘅我，人生就係變化無常。」

對於有唔少言論批評達雲紐尼斯近2場熱身賽表現欠佳，高普力撐呢位愛將：「好多人見到1位球員錯失入波機會，就會反應好緊張，世界上所有前鋒都會失機，如果你了解足球，就唔會質疑達雲紐尼斯嘅潛力。」