潮流興去美職　連格準備跟碧咸搵食

小哥阿四 · 發表於 2022-7-8 10:37:15

本帖最後由小哥阿四於 2022-7-8 10:38 編輯

連格今夏約滿離開曼聯之後，雖然傳出韋斯咸、愛華頓、紐卡素有意簽佢，但英國傳媒最新報道，指呢位29歲中場已經飛去美國度假，並準備同美職球會傾加盟事宜，由曼聯大師兄碧咸做班主嘅國際邁亞密可能係連格落腳地。

據悉連格喺美國度假期間，獲得兩支美職球隊斟介，雖然冇開名，但其中一隊可能係國際邁亞密。因為呢支球隊有紅魔DNA，除咗其中一位班主係碧咸之外，教練亦係曼聯經典「7小福」之一嘅菲臘尼維利，所以簽入連格並唔出奇。

事實上，有唔少事業走下坡嘅球星都選擇去美職，包括早前加盟FC洛杉磯嘅基亞連尼、加里夫巴利，連格或者會成為新一員。