熱刺要補番條數　將出售貝雲積

小哥阿四 · 發表於 2022-7-7 11:42:28

熱刺近期簽入多位球員，包括斥資7,500萬鎊收購李察利臣同比蘇馬，會方為咗減輕財政壓力，決定出售翼鋒貝雲積，並即將同阿積士達成協議，賣畀呢支荷甲勁旅，估計轉會費為3,000萬歐元。

貝雲積2020年1月以3,100萬歐元轉會費，由燕豪芬加盟熱刺，但表現只屬一般，特別係干地接手執教後，呢位24歲荷蘭快翼不受重用，加上熱刺簽入李察利臣後，貝雲積更加難有上陣機會，出售佢對於球會及球員都有利。

據悉貝雲積已經同阿積士達成個人待遇條款，雙方將會簽約5年。事實上，貝雲積曾於阿積士青年軍受訓，其後轉投燕豪芬，佢對於重返阿積士，並唔會感到陌生。