【官宣】紐奴執教伊蒂哈德

小哥阿四 · 發表於 2022-7-6 10:24:54

沙特阿拉伯勁旅伊蒂哈德宣布，葡萄牙教練紐奴答應加盟執教，雙方簽約至2024年。現年48歲嘅紐奴上年11月被熱刺炒魷後一直未有落班，今次選擇喺沙特阿拉伯重出江湖。

紐奴出席簽約儀式後，拍片向伊蒂哈德球迷表示：「好榮幸可以執教沙特阿拉伯最偉大嘅球隊，伊蒂哈德，我哋好快見面！」伊蒂哈德上季排沙特阿拉伯聯賽第2位，2分之差輸畀希拉爾失落冠軍，今季志切捲土重來。

紐奴曾經執教過華倫西亞、波圖同狼隊，上年夏天接替摩連奴執教熱刺，但因成績差勁只係捱咗4個月就被炒魷。