祖記CEO證實迪歷特想走　同車路士密斟

小哥阿四 · 發表於 2022-7-1 22:43:34

意甲勁旅祖雲達斯組軍計劃出現阻滯，荷蘭中堅馬菲斯迪歷特「作客」消息得到證實，祖雲達斯行政總裁承認呢位22歲中堅「唔想留隊」，盛傳正同車路士密斟球員交易。

祖雲達斯行政總裁艾拉夫比尼日前接受《都靈體育報》訪問，講到馬菲斯迪歷特嘅轉會傳聞，呢位CEO坦白表示：「當一個球員想離隊，要留低佢係冇可能嘅事，不過要轉會達成，一定要搵到滿足晒3方面嘅條件。」

據英國傳媒報道，車路士正同祖雲達斯進行斟介，而且車路士會用美國翼鋒基斯甸普列錫作為交易條件之一，再加部份現金收購馬菲斯迪歷特，消息指另一荷蘭中堅尼敦阿基亦係車路士收購目標之一。