|
|

利物浦早前用8,500萬鎊收購炙手可熱前鋒達雲紐尼斯,呢位烏拉圭國腳過去幾個月一直被傳係曼聯獵物,最終被「紅軍」截足先登當然令球迷失望,而據《The Athletic》爆料,曼聯今次「走寶」原因,竟然係因為葡萄牙名將雷哥斯達食物中毒!
據報曼聯對達雲紐尼斯一直好欣賞,今年4月份就安排同賓菲加進行交易會議,不過賓菲加會長雷哥斯達喺會議前幾日嘅生日會中,懷疑食物中毒而未能出席,會議亦告取消,曼聯方面認為呢個決定代表賓菲加冇心放人,而且當時亦未聘請坦哈格做領隊,結果利物浦就乘虛而入,喺歐聯8強對戰賓菲加嗰陣開始「做嘢」,最終娶得美人歸。
|
|