曼聯爭奪「帶刀侍衞」　2位左閘前途危危乎

小哥阿四 · 發表於 2022-6-20 11:53:54

本帖最後由小哥阿四於 2022-6-20 11:54 編輯

英國《每日郵報》指曼聯加入爭奪賀芬咸左後衞大衞拉林，計劃斥資3,400萬鎊收購呢位24歲德國國腳，大衞拉林攻守兼備，可以一人踢晒整條左路，若然佢成「魔」，曼聯現時2位左閘勞基梳爾、阿歷士迪尼斯前途肯定危危乎。

大衞拉林上年由格雷特霍夫以自由身加盟賀芬咸之後，表現如有神助，上季德甲上陣32場入3球及13次助攻，並迅速成為德國國家隊主力，已經引起多蒙特、韋斯咸、紐卡素注意，爭住想簽佢。

由於曼聯正選左閘勞基梳爾上季表現欠佳，加上屬於「玻璃腳」經常受傷，而副選左閘阿歷士迪尼斯防守技術不足，所以曼聯新帥坦哈格有意簽入大衞拉林鎮守左路。

大衞拉林同賀芬咸仲有4年合約，加上獲得多間球會垂青，相信身價會水漲船高，紅魔鬼想得到呢位猛將加盟，並非易事。