曼城下任隊長 魯賓戴亞斯成大熱

小哥阿四

曼城近10年建立嘅足球王國，除咗球星如雲嘅陣容外，不約而同有一位出色隊長領軍，由高柏尼到大衞施華、費蘭甸奴，個個都係德高望重嘅傳奇。隨住費蘭甸奴離隊，外界亦開始預測下任隊長人選，雖然奇雲迪布尼係唔少球迷心水，但消息指大熱人選另有其人。

費蘭甸奴今季缺陣期間，奇雲迪布尼、根度簡同魯賓戴亞斯都曾出任隊長，喺呢個隊長團隊當中，奇雲迪布尼嘅重要性同受歡迎程度當然最高，領隊哥迪奧拿亦曾經公開讚揚佢係隊長人才，不過依照曼城「傳統」，隊長人選並唔係由領隊決定，而係由球員自己投票選出，《曼徹斯特晚報》就指魯賓戴亞斯先係下任隊長大熱。

據報上年嘅隊長投票當中，奇雲迪布尼就由前季嘅「副隊長」跌落第4位，根度簡同魯賓戴亞斯就升上2、3位。葡萄牙中堅魯賓戴亞斯雖然效力曼城唔夠2年，但防守能力同領導能力已獲肯定，而且正選位置亦好穩定，被視為費蘭甸奴嘅隊長接班人。



  

Winston91

回復 小哥阿四 ##1 的帖子

曼城前3位隊長有2位的位置係防守，咁樣諗戴亞斯又高啲機會

LasCases

有新隊長。

Pigfaifai

great