夏蘭特自爆入「城」真相 球衣號碼有變數

joemalee

早前落實由多蒙特轉投曼城嘅挪威射手艾寧夏蘭特正式亮相「藍月亮」發布會，簽約5年，呢位21歲前鋒表示，選擇加盟曼城，主要原因係由於爸爸都踢過呢支英超勁旅，加上自己又係曼城球迷，非常喜歡球隊風格，所有毫不猶豫入「城」。                                          

艾寧夏蘭特簽約之後話：「呢一日對我同家人都係值得驕傲嘅一日，點解加盟曼城？呢個問題有啲多餘，首先係爸爸踢過曼城，對我產生影響，同埋我喺英格蘭出世，一直都係曼城球迷，非常了解球隊。我一直有睇曼城比賽，非常佩服球隊踢法，佢哋可以創造大量入波機會，對我呢類球員而言，簡直係完美。」艾寧夏蘭特仲賣口乖，大讚領隊哥迪奧拿係史上最佳主帥之一。                                             


另外，曼城仍然未公布艾寧夏蘭特球衣號碼，據悉如果加比爾捷西斯離隊，佢就會接過9號球衣，若然「耶穌仔」留隊，夏蘭特可能着15號。

LasCases

都估到係咁。

Winston91

回復 joemalee ##1 的帖子

世界仔識講嘢