派路登陸土耳其 打造「意甲幫」挑戰冠軍

小哥阿四

前祖雲達斯領隊派路休息1年後，周日(12日)宣布出山執教土超球會卡拉古拉克(Karagumruk)，呢支土超新勢力隊中有唔少意大利球員，今次請埋派路執教雄心萬丈，有意挑戰比錫達斯、加拉塔沙雷同費倫巴治嘅霸主地位。

雖然有唔少意甲球會斟介，不過派路決定簽入卡拉古拉克1年，呢隊波2年前先至升上土超，但就簽入唔少球星，而且多數都係喺意甲效力過嘅球員，連續2季排第8位嘅成績已超出預期，請派路明顯係想再進一步。

卡拉古拉克陣中有4名意大利球員，包括門將維維安奴同前鋒波連尼2名前意大利國腳，仲有後防比拉斯治同巴尼亞，另外踢過意甲嘅亦有阿根廷中場碧基亞、土耳其後防艾堅等等，派路對佢哋應該唔會陌生。

Winston91

回復 小哥阿四 ##1 的帖子

派路去土超累積多啲經驗後，再返意甲吧

LasCases

出番嚟玩。