西班牙欠銳同捷克獻細

joemalee

歐國聯A2組賽事，西班牙主場迎戰捷克。上屆亞軍西班牙今屆表現令人失望，踢到第3場先至贏波開齋，好大程度上因為今年係世盃年，只視今屆歐國聯為熱身賽。捷克早前主場同西班牙打和2比2，但今仗作客應會採取保守踢法，首選中位數2.5球嘅入球細。（周一凌晨2時45分開賽）

西班牙今屆歐國聯暴露鋒力不足問題，首仗對葡萄牙，即使佔上風，但最終被對手逼和1比1，其後作客捷克，更加陷入劣勢，兩度落後之下，要靠中堅恩尼高馬天尼斯補時入波，先至驚險攞到1分。加上上仗作客瑞士，亦僅小勝1比0。西班牙一星期已經踢咗3場賽事，球員難免有疲態，特別係完成今場比賽後，就可以抖暑，相信各位國腳更加無心戀戰，就算贏波，估計都係小勝居多。

捷克舟車勞頓攰爆

至於捷克雖然開局表現不俗，但賽程上比較不利，因為首仗對完瑞士之後，就要連接惡鬥「雙牙」，特別係上仗作客葡萄牙，捱打之下輸0比2，今仗又要踢作客，本身人腳質素有限，加上經過舟車勞頓，勢必影響球隊發揮。事實上，捷克近4場作客總入球都係2球或以下，要入波並唔容易，入球細比較值博。

LasCases

唔知打嚟做乜。