巴利未定踢邊隊　但肯定唔係基達菲

小哥阿四 · 發表於 2022-6-12 10:25:54

威爾斯打入世盃決賽周，隊長加里夫巴利為咗年底參賽，暫時唔會掛靴，但仲未決定踢邊隊，不過佢已明確表示，唔會去基達菲。

佢之所以咁講，係因為基達菲班主安赫爾托雷斯日前向傳媒吹風，表示巴利經理人向佢探盤，不過當事人好快否認，其經理人稱係「笑話一則」，巴利本人亦為此開腔回應：「我肯定唔會去基達菲，喺我決定未來之前，我會好好休息。」

至於巴利心目中嘅心儀球隊，佢表示：「我希望有穩定嘅上陣時間，並為世盃盡可能保持最佳狀態。」由於巴利熱愛高爾夫球，人送外號「高爾夫巴利」，如果有球會附設高爾夫球場，或者會吸引到佢，其中蘇超格拉斯哥流浪可能啱佢。