菲爾科頓確診 缺陣2場歐國聯

小哥阿四

英格蘭出戰歐國聯前夕，爆出不利消息，中場新星菲爾科頓因為確診新冠肺炎，無法隨隊出外比賽，將缺陣周日(5日)凌晨歐國聯A3組作客匈牙利，以及下周三(8日)凌晨作客德國，無疑會影響英格蘭主帥修夫基部署。

菲爾科頓接受檢測後發現中招，但並冇徵狀，修夫基話：「菲爾科頓不幸確診，佢需要返屋企接受隔離，等球隊踢完對德國嘅比賽之後，希望佢可以重返大軍。」
如無意外，菲爾科頓應該可以趕及復出，參加6月12日凌晨主場對意大利，以及6月15日凌晨主場對匈牙利嘅歐國聯比賽。

除咗菲爾科頓確診新冠肺炎之外，翼鋒史達寧亦因為身體不適，缺席近日操練，至於2位中堅馬克古希、湯姆利有傷在身，英格蘭人腳不整之下，令修夫基面臨重大考驗。

Winston91

回復 小哥阿四 ##1 的帖子

英格蘭作客匈牙利輸波，唔知同傷兵多有冇關係呢

LasCases

唔打好過。