誇張！皇馬9位球員挑戰C朗捧歐聯紀錄

小哥阿四 · 發表於 2022-5-28 14:59:32

皇馬曾經13次成為歐聯盟主，屬於史上最多，現時陣中有9位球員試過4次獲得歐聯冠軍，只要「銀河艦隊」今屆捧盃，呢9位仁兄就可以同C朗睇齊，有5面歐聯冠軍獎牌，至於呢項賽事史上奪冠最多次嘅球員係皇馬名宿真圖，總共有6次。

C朗曾經為曼聯贏得1次歐聯冠軍，效力皇馬時期4次奪冠，至於現時9位攞過4次歐聯冠軍嘅皇馬球員，包括賓施馬、莫迪歷、加里夫巴利、丹尼爾卡華積、卡斯米路、艾斯高、卻奧斯、馬些路、拿祖費南迪斯，其中卻奧斯為拜仁慕尼黑贏過1次歐聯冠軍，另外3次效力皇馬時期奪得。

至於紀錄保持者真圖喺上世紀50至60年代效力皇馬期間，6次奪得冠軍，由於「皇馬9子」位位年紀都唔細，要打破真圖嘅紀錄並唔容易。