英國政府拍板 車路士正式易主

joemalee

車路士賣盤終於塵埃落定，英國政府正式批准以美國富商保利(Todd Boehly)為首嘅財團以總值42.5億鎊入主呢間英超球會，令交易可以完成。

英國政府發言人表示，當地時間周二(24日)深夜，就車路士出售許可達成協議，同意球會嘅賣盤事宜。

據悉，車路士原本班主阿布拉莫域提供具法律效力擔保，確保盤賣收益唔會流入佢及其家人戶口，令英國政府對交易開綠燈。

英國政府希望賣盤收益存入一個第三方托管機構，以確定資金流向，大家都希望交易喺周二完成，以免錯過來季英超及歐聯嘅報名日期。

英足總將於6月初提交來季歐洲賽事參賽球隊名單，英超亦於6月8日舉行會議，頒發來季參賽牌照，英超賽會早前已同意車仔易主。

  

LasCases

老闆科唔科水買人先？

Winston91

回復 joemalee ##1 的帖子

一個時代嘅結束，車仔開展新的一頁。