|
|
曼聯今季徹底失敗，近日有傳媒發挖球隊下半季內幕，調查發現看守領隊蘭歷克上任不久已失去球員信任，王牌球星C朗更早於1月表明，如果蘭歷克轉為正式領隊，自己就會離開。
《ESPN》訪問其中一位曼聯球員，佢話所有球員之前對蘭歷克一無所知，當會方宣布任命蘭歷克後，球員先至上網搵佢嘅資料，而蘭歷克帶嚟嘅助教亦名不見經傳。
蘭歷克去年12月擔任看守領隊，合約只有半季，但佢喺曼聯嘅蜜月期相當短暫，甚至乎冇，主要原因係蘭歷克情商太低，喺記者會上口沒遮攔，向公眾任意批評球員，又披露球員私隱，令球員好冇面。
早在1月，C朗已向會方表明，如果蘭歷克轉任正式領隊，佢自己會離隊，而類似C朗想法嘅球員，不在少數，導致士無鬥志。
幸好球會最終並無續用蘭歷克，佢嘅看守領隊工作已經結束，對球隊嘅影響亦都完結。
|
|
在線雷達
發表於 2022-5-25 14:29:43
廣播
置頂
超級提昇
強效提昇
推舊帖
收嗲鳥
油顏色
發表於 2022-5-25 18:18:14
