蘭歷克進諫買2至3前鋒　拉舒福特玩完？

joemalee · 發表於 2022-5-4 11:10:26

曼聯下季將由荷蘭教頭坦哈格執教，蘭歷克就會改任顧問一職，呢位德國教頭日前率先發表佢嘅精闢分析，豪言曼聯今夏最少要簽2個新前鋒，但就提都冇提過拉舒福特，似乎「福仔」嘅曼聯生涯都危危乎。

蘭歷克表示：「曼聯需要至少2個新前鋒，係現代嘅前鋒。利物浦同曼聯都有5至6個選擇，基亞利殊係翼鋒定前鋒，佢哋都屬於(現代)前鋒。曼聯就冇乜選擇，本來格連活特都係其中之一，但佢已經唔喺陣中。」喺卡雲尼約滿離隊、安東尼馬迪爾將被放走下，曼聯前鋒確實買少見少。

蘭歷克已公開表明支持C朗留隊，不過就冇提及拉舒福特，呢位英格蘭前鋒喺周二(3日)對賓福特一仗坐足全場，明顯已經唔獲蘭歷克信任，如果今個夏天再簽多2至3個星級前鋒，「福仔」上陣機會將大大減少。