無緣告別奧脫福 連格哥哥：踢歐協聯抵死

joemalee

曼聯今季英超主場謝幕戰3比0大勝賓福特，已宣布季尾離隊嘅桑馬達同尼曼查馬迪都正選上陣，卡雲尼亦後備登場，3星有機會喺奧脫福同主場球迷道別。不過同樣將會約滿離隊嘅連格，喺勝局已定下仍然冇份落場，坐足90分鐘冷板，連格哥哥隨即喺社交網鬧爆「無情」曼聯，指「紅魔鬼」淪落到踢歐協聯屬「抵死」。

尼曼查馬迪近期一直係球隊正選，而桑馬達今場就取代拉舒福特擔正，名將堅尼同唔少球迷都批評呢個「感性」決定，認為畀機會新人落場對球會未來更好。領隊蘭歷克賽後解釋：「桑馬達喺練習表現好好，上場對車路士後備入替亦有好大貢獻，佢值得有正選席位。」

當曼聯贏到3比0後，蘭歷克換入卡雲尼同菲爾鍾斯，但就無視同樣將約滿離隊嘅連格，呢位英格蘭國腳嘅哥哥Louie Scott，立即喺IG發炮：「效力曼聯20年嘅血汗同淚水，4個本土錦標、3個決賽入波，連一個告別嘅機會都換唔到，難怪下季要踢歐協聯。」留言仲狂踩曼聯高層唔識波，不過曼聯目前排聯賽第6位，出線歐霸盃機會仍高。

BB29

飛往英國集訓

LasCases

唔識用佢。

Winston91

回復 joemalee ##1 的帖子

曼聯要爭歐霸資格，對賓福特場波，目標就係主場攞3分，一定出最強陣容。馬逹嘅表現足以證明蘭Sir決定搵佢做正選係正確，佢係中場控制節奏嘅能力，好適合破密集，又唔駛前鋒係前面亂跑，咁樣C朗可以慳返好多冇謂跑動，臨尾仲有體力搏殺，C朗果粒炸糊，就係靠馬達傳個靚波，唔係越位嘅話，C朗就起孖了。

祝福馬達和馬迪係新東家有更好發展。另外連皇仲後生都有機留低嘅，坦克用慣433，連皇都有用武之地，睇新帥上任後點同佢傾吧。