基亞連尼退出國家隊 6月對阿根廷成告別戰

joemalee

[size=4祖雲達斯中堅基亞連尼宣布，將於今夏退出意大利國家隊，6月喺溫布萊球場舉行嘅「歐美冠軍戰」意大利對阿根廷，將會成為佢嘅國際賽生涯告別戰。

祖雲達斯上仗意甲以2比1擊敗薩斯索羅後，37歲嘅基亞連尼透露自己即將退出國際賽舞台：「如果我身體狀況許可嘅話，我會去溫布萊球場比賽，我曾經喺呢個球場踢出國家隊生涯顛峰一役，嚟緊對阿根廷肯定係我最後1場國家隊比賽，之後就要睇年輕球員發揮。」

意大利上年7月歐國盃決賽喺溫布萊球場，憑互射12碼擊敗英格蘭，奪得冠軍，基連亞尼該仗踢足120分鐘，表現出色。不過意大利無緣今年世界盃決賽周之後，令基連亞尼決定退出國家隊。呢位中堅曾經為意大利上陣116次，有8球進帳。

將於香港時間6月2日凌晨舉行嘅「歐美冠軍戰」，由歐國盃冠軍意大利對美洲國家盃盟主阿根廷，基亞連尼能夠喺國家隊最後一戰，同美斯等球星交鋒，希望可以留下美好回憶啦。]

BB29

退出意大利國家隊

LasCases

要比後生上位。