|
|
加利夫巴利同皇家馬德里即將完約，據報美職球隊華盛頓聯隊今夏，有意免費引入依名威爾斯球星，甚至開出比英格蘭名宿朗尼，2018/19球季效力球隊個陣仲高嘅周薪，希望吸引佢加盟。
據《華盛頓郵報》報道，華盛頓聯隊正同加利夫巴利進行談判，依支美職球隊已經承諾會開出，比朗尼之前效力球隊個陣更高嘅周薪，雙方暫時仍未達成共識。不過外界都相信轉會好大機會成功，事關除咗金錢因素之外，世界盃年底即將舉行，雖然威爾斯目前仲未確定晉身決賽周，不過加利夫巴利都需要爭取穩定上陣機會，去提升自身狀態。
效力皇家馬德里9年嘅加利夫巴利，為球隊上陣超過250場，不過近年一直傷多過踢，上季仲曾經被外借到熱刺，今季亦只曾出場7次同射入1球，以佢目前55萬英鎊嘅周薪，難怪依名32歲翼鋒，早前被西班牙《馬卡報》形容為「吸走皇馬歐元的寄生蟲」。
|
|
在線雷達
發表於 2022-4-23 10:31:08
廣播
置頂
超級提昇
強效提昇
推舊帖
收嗲鳥
油顏色
