熱刺孖寶超友誼關係　卡尼：老婆呷醋！

joemalee · 發表於 2022-4-23 10:29:42

熱刺近期成績反彈，哈利卡尼同孫興民呢對前鋒組合嘅狀態係主要原因，兩人嘅合作已被譽為英超最強組合，哈利卡尼日前接受法國《Canal+》訪開，直指自己同孫興民關係「超友誼」，好到連自己老婆都有啲呷醋！

哈利卡尼受訪嗰陣，被問到同孫興民場外關係：「我依家同孫興民一齊嘅時間，比起同老婆更長，佢(老婆)依家未有畀說話我聽，但可能好快就會呷醋。我同孫興民喺球場以外關係非常好，呢一點喺球場上面係可以反映出嚟。」

自從2015年開始合作，哈利卡尼同孫興民已經互相助攻炮製40個英超入球，超越杜奧巴同林柏特嘅36球，成為英超史上最佳進攻組合。