肥安嚇破膽 幾乎重演17年前悲劇

joemalee

皇馬喺歐聯8強首回合作客贏車路士3比1，以為可以輕鬆晉級，點知次回合主場出擊，卻陷入劣勢，兩回合總比數一度反落後3比4，令人聯想起2005年歐聯決賽，同樣由安察洛堤執教嘅AC米蘭，上半場領先利物浦3比0，但換邊後被逼和3比3，最後互射12碼A米敗陣失冠，幸好皇馬今次避過一劫，「肥安」幾乎被嚇破膽。

安察洛堤可以執番一身彩，佢臨場調動非常關鍵，落後0比3，佢果斷換入前鋒洛迪高高斯搏殺，呢位21歲巴西新星上陣2分鐘就入波，令總比數扳平4比4，先至有得踢加時。

賓施馬加時入波，成功拯救皇馬，呢位法國國腳今屆歐聯已有12球帳及1次助攻，而喺西甲入24球及11次助攻，加上西超盃入2球，今季各項賽事入38球及12次助攻。

法國《隊報》指拜仁慕尼黑已經出局，如果皇馬奪得今屆歐聯冠軍，賓施馬好大機會力壓羅拔利雲度夫斯基，獲得今年金球獎。《隊報》同金球獎主辦機構《法國足球》屬於同一集團，似乎已事先張揚賓施馬攞獎。

BB29

真係避過一劫

LasCases

怕歷史重演。

Winston91

回復 joemalee ##1 的帖子

其實肥安都係搏贏，幾次換人都好重要，特別係換入卡馬雲加和洛迪高，一個嘅兩次斷球最後造成入波，另一個就射入皇馬第一球，把比賽推到去要加時分勝負，反觀車仔換入嘅球員冇咩表現，肥安臨場應變能力就高過杜曹。不過最勁都係摩迪，打足120分鐘，仲交個世界級助攻。其實車仔算雖敗猶榮，打全場搶迫，臨尾冇體力先保唔住勝利。

lnhbm

04年肥安帶AC打歐冠八強對拉科又係咁，首回合主場先贏4比1，然後次回合作客反輸0-4出局。